U PUBLIKUA UDHËZUESI PËR TRANSPARENC FINANCIARE TË SHOQATAVE DHE ORGANIZATAVE TJERA NGA MJETET BUXHETORE TË PUSHTETIT LOKAL

2. dhjetor 2019.

Zyrja për bashkëpunim me organizatat joqeveritare në bashkëpunim me Ministrinë e administrimit të shtetit dhe vetëqeverisjes lokale dhe Konferencës së përhershme të qyteteve dhe komunave, ka paraqitur botimin e tretë të ndryshuar dhe të plotësuar. Udhëzues transparent për financimin e shoqatave dhe organizatave tjera nga mjetet financiare të pushtetit lokal.

Arsyeja kryesore për publikimin e versionit të ri të Udhëzuesit janë ndryshimet domethënëse të bëra nga "Rregullorja e fondeve për programe nxitëse ose pjesa e mungesës së financimit të programeve të interesit publik të zbatuara nga shoqatat", miratuar në mars të vitit 2018, menjëherë pas lëshimit të versionit të mëparshëm të udhëzuesit.

Udhëzuesi është krijuar për të ndihmuar njësitë e qeverisjes vendore në zbatimin e rregullores, përmes disponueshmërisë më të madhe të formave dhe procedurave të thjeshta të aplikimit për grante. Nga ana tjetër, organizatat e shoqërisë civile duhet të informohen në mënyrë që të kuptojnë më mirë procesin e granteve, të përfshihen në këtë proces dhe të kontribuojnë në interesin publik përmes propozimeve të tyre dhe projekteve të menduara mirë. Efekti afatgjatë i një bashkëpunimi të tillë do të ishte planifikimi dhe përdorimi më racional i burimeve të kufizuara buxhetore, si dhe financimi i qëndrueshëm për organizatat e shoqërisë civile.

Në përpilimin e udhëzuesit është vazhduar me realizimin e metodës ”hap pas hapi” të përdorur në dy udhëzuesit e mëparshëm, të hartuar nga Zyrja me mbështetjen e Bashkimit Evropian. Drejtimi i organeve të administratës publike përmes procesit nga momenti i përcaktimit të objektivave të konkursit, përmes përzgjedhjes së organizatave, deri në shpërndarjen e fondeve për programet dhe projektet e zgjedhura jep rezultatet më të mira. Vëmendje e veçantë i kushtohet monitorimit dhe vlerësimit të projekteve, si hapa domethënës që duhet të ndërmerren nga çdo administratë që ka për qëllim që të jetë përgjigjeshme para qytetarëve të saj.

Pjesë të veçantë të botimit të përmendur janë Metodologjia e planifikimit të procesit të monitorimit të realizimit dhe vlerësimit të suksesit të programeve dhe projekteve të implementuara të organizatave të shoqërisë civile dhe procedura e monitorimit të shpenzimeve të fondeve të ndara, si dhe manuali për zbatimin e tij më të thjeshtë.

Udhëzuesi sqaron më tej të gjitha nenet e Rregullores dhe përmban propozim formularët të domosdoshëm për procesin e financimit të organizatave të shoqërisë civile, të cilat kanë dalë nga shembuj të praktikës së mirë.

Gjatë përgatitjes së Udhëzuesit, u organizuan dy fokus grupe, ku u konsultuan përfaqësues të administratës publike dhe përfaqësues të organizatave të shoqërisë civile.

Përgatitja dhe botimi i këtij botimi u mbështet nga projekti Mbështetja institucionale SKGO - Faza e tretë, e zbatuar nga SKGO, me mbështetjen e Qeverisë së Zvicrës.

Udhëzuesi i ri është në dispozicion në https://www.civilnodrustvo.gov.rs/upload/documents/Publikacije/2019/Vodic%20za%20transparentno%20finansiranje%20OCD%20iz%20budzetskih%20sredstava%20LS%20Web.pdf

Burimi: Zyra për bashkëpunim me shoqërinë civile dhe Trupi koordinues