Arkiva e lajmeve
                   

SHËRBIME TË REJA ELEKTRONIKE NË SHËRBIM PËR QYTETARËT E MEDVEGJËS

31. janar 2022.

Medvegjë - Beograd - Qytetarët e Medvegjës tani mund të përdorin shërbimet e reja elektronike të zhvilluara nga administrata komunale me mbështetjen e Qeverisë Zvicerane përmes programit Swiss Pro dhe në bashkëpunim me Zyrën për Teknologji Informative dhe Administratë Elektronike.

Medvegja është një nga 35 qeveritë lokale në Serbi që me mbështetjen teknike të programit Swiss Pro, ka përmirësuar cilësinë e shërbimeve që u ofrojnë qytetarëve dhe ekonomisë. Mbështetja e vetqeverisjes lokale synon rritjen e transparencës dhe efikasitetit në ofrimin e aksesit më të shpejtë dhe më të lehtë në shërbime dhe të drejtat e qytetarëve.

“Jemi të kënaqur që falë mbështetjes së Qeverisë Zvicerane, përmes programit Swiss Pro, bashkëqytetarët tanë marrin shtatë shërbime të reja elektronike që janë të disponueshme në portalin eShërbimit elektronike. Duke ofruar shërbime elektronike, Medvegja renditet në mesin e administratave që kursejnë kohë dhe para për qytetarët e tyre, por gjithashtu u ofron atyre një mundësi tjetër për t'u përfshirë në punën e saj dhe për të dhënë një kontribut personal që komuniteti ynë lokal të funksionojë edhe më mirë”, tha Dr. Nebojsa. Arsiq, kryetar (në dorëheqje) i komunës së Medvegjës.

Tash e tutje, përmes portalit eShërbimi, banorët e Medvegjës mund të paraqesin kërkesë për kompensim të pagës për pushimin e lehonisë ose të paraqesin aplikacione në inspektoratin komunal, komunikacionit dhe mbrojtjen e mjedisit, si dhe të raportojnë një problem komunal. Paraqitja e një kundërshtimi për draft dokumentin planor ose vendimi për hartimin e një dokumenti planor gjatë inspektimit publik janë gjithashtu disa nga shërbimet e reja elektronike në dispozicion të banorëve të Medvegjës.

“Me përmirësimin e efikasitetit të punës së vetëqeverisjes lokale, qytetarëve të Medvegjës u është mundësuar që shpejt dhe lehtë, pa pritur në radhë dhe kosto shtesë, të kenë qasje në shërbimet publike që janë në kompetencë të vetëqeverisjes lokale dhe të ushtrojnë disa të drejta." Medvegja është një nga komunat e para, me shtatë shërbime të reja elektronike të cilat janë të disponueshme në portalin eAdministrata”, tha Maida Jusufovic, Zyrtare për Qeverisje të Mirë dhe Barazi Gjinore në Swiss Pro Program.

Fushata "Le të klikojmë së bashku" zbatohet në kuadër të programit "Mbështetje e Qeverisë Zvicerane për Zhvillimin Komunal përmes Promovimit të Qeverisjes së Mirë dhe Përfshirjes Sociale - Swiss Pro", mbështetur nga Qeveria Zvicerane në bashkëpunim me Qeverinë e Serbis, dhe drejtuar nga Kombet e Bashkuara Zyra për Shërbimet e Projektit (UNOPS) në partneritet me Konferencën e Përhershme të Qyteteve dhe Komunave (KPQK).

Burimi: Infocentarjug.rs, Trupi Koordinues

 

homescontents