NATO NË BAZËN „JUG“ DHA NOTA TË SHKËLQYESHME INXHINJERËVE TË USHTRISË SERBE, TË GATSHËM PËR MISIONE PAQËSORE

31. tetor 2019.

Bujanoc - Çeta e Specializuar e Ushtrisë Serbe ka marrë nota të shkëlqyera nga eskperët e NATO-s në bazën Jug të Bujanocit, standardet e së cilës po zbatohen në operacionet e Bashkimit Evropian dhe të Kombeve të Bashkuara, duke konfirmuar aftësinë e tyre për të zbuluar pajisje të shpërthyera të improvizuara.

Inxhinierët e ushtrisë serbe, detyra kryesore e të cilëve është të ndërtojë rrugë, ura dhe kampe ushtarake, janë të gatshëm të shkojnë në një nga operacionet shumëkombëshe jashtë vendit.

Fjala është për çetën nga përbërja e Batalionit të 310-të të Inxhinierëve, dhe trainimi i tyre është vlerësuar kohët e fundit nga ekspertët ushtarakë të NATO-s në terrenet e trajnimit në bazën "Jug" pranë Bujanocit.

Në mesin e tyre ishte edhe nënkoloneli Holger Bernard i Komandës Tokësore të NATO-s në Izmir, oficer në ushtrinë gjermane.

"Unë jam i kënaqur të them që çeta inxhinierike ka marrë nota të shkëlqyera. Kjo njësi është e gatshme për detyrat më të kërkuara që mund t'i caktohen asaj në të ardhmen. Ndërsa Bashkimi Evropian dhe misionet paqeruajtëse ndërkombëtare të Kombeve të Bashkuara përdorin standardet e NATO-s në operacionet e tyre në të gjithë botën, çeta inxhinierike tani është e gatshme të bashkohet me misione të tilla në çdo moment dhe të kontribuojë në ruajtjen e paqes dhe stabilitetit ndërkombëtar", tha nënkoloneli Bernard.

Ai shpjegoi se vlerësimi është kryer përmes "Konceptit të Kapaciteteve Operacionale - Vlerësimi dhe Raportimi", i cili është një mekanizëm i NATO-s.

“Ne jemi të impresionuar nga puna e palodhur dhe përkushtimi i personelit ushtarak serb. Siç e prisnim, çeta inxhinierike u bë njësia e katërt e Forcave të Ushtrisë Serbe që të ishin plotësisht të aftë të marrin pjesë në misionet ndërkombëtare paqeruajtjese“, tha koloneli Bernard.

Inxhinierët e Ushtrisë Serbe gjithashtu u treguan ekspertëve të NATO-s se si ata mund të riparonin në mënyrë të efektshme rrugën ose të uronin një lumë më të vogël, dhe i siguruan ata se ata ishin të aftë të punonin me njësi të ngjashme të ushtrive të tjera që kishin kaluar tashmë këtë vlerësim.

Ato janë gjithashtu të afta të zbulojnë pajisje shpërthyese të improvizuara, që është një nga rreziqet më të mëdha në operacionet moderne shumëkombëshe.

Varet nga Serbia që të vendosë se në cilin anë të botës mund të dërgohen inxhinierët serbë.

Burimi: Bujanovaçke dhe Trupi Koordinues