MJEKU NGA BUJANOCI KALOI TRAJNIMIN NDËRKOMBËTAR NË TURQI

15. nëntor 2019.

Bujanoc, Izmir - Dr Bejtula Ajeti nga Shërbimi i Ambulancës së Kujdesit Shëndetësor në Bujanoc ishte një prej shtatë mjekëve nga Serbia që përfunduan trajnimin e medicinës urgjente “Medical Rescue Team Training”, në Izmir të Turqisë.

Trajnimi u zhvillua në "Qendrën Ndërkombëtare për Trajnimin dhe Simulimin e Rasteve Emergjente dhe Fatkeqësive" në ishullin Urla afër Izmirit, ndërsa dr Ajeti, së bashku me kolegët e tij, u njohën, përmes pjesës teorike dhe praktike të trajnimit, me procedurat për shpëtimin dhe lehtësimin e fatkeqësive, tragetin e të dëmtuarve në aksidentet masive.

Dr Ajeti thotë se është në grupin e parë të mjekëve që kanë përfunduar trajnimin e organizuar nga ministritë e shëndetësisë të Turqisë dhe Serbisë dhe Shoqata e Mjekëve të Urgjencës së Serbisë:

"Falënderojmë Dr. Esen Usal dhe Dr. Hasan Odabasiogl për energjinë e jashtëzakonshme, dashurinë dhe përpjekjen e tyre për të bashkuar mjekë nga Serbia, Maqedonia Veriore dhe Mali i Zi në këtë qendër ndërkombëtare trajnimi. Është një nder i madh të jesh pjesë e gjithë kësaj. Të gjithë jemi më të pasur për njohuri dhe përvoja të reja, por më e rëndësishmja është që kemi bërë mië të rinj”, tha dr Ajeti duke shtuar se ata ishin në gjendje të shihnin vepër se si punon kujdesi urgjent për njerëzit në një qytet me 4.5 milion, siç është Izmiri.

Delegacioni i Serbisë që mori pjesë në këtë seminar prestigjioz përbëhej nga: Dr. Marina Gjikiq (Qendra Emergjente, KCS, Beograd), Dr. Jelena Tijaniq (Departamenti i Ndihmës Mjekësore Emergjente Kragujevc), Dr. Bejtulla Ajeti (Shërbimi i Urgjencës Mjekësore Bujanoc), Dr. Zoran Stanojloviq ( Shërbimi i Urgjencave Mjekësore Bor), Dr. Sasha Ignjatijeviq (Departamenti i Kujdesit Mjekësor Urgjent Nish), prim. dr Tatjana Rajkoviq(Departamenti i Kujdesit Mjekësor Urgjent Nish) dhe prim. dr Miljan Joviq (Shërbimi i Pritjes së Urgjencës, ZC Zajeçar).

Burimi: Bujanovaçke dhe Trupi Koordinues