LETËR QYTETARËVE

29. dhjetor 2022.

Të nderuar qytetarë të Preshevës, Bujanocit dhe Medvegjës

Pas nesh është një vit në të cilin kemi realizuar shumë aktivitete të planifikuara, pavarësisht nga numri i madh i sfidave që kemi hasur. Shërbimi juaj i Trupit Koordinues mbështeti edhe kë vit zhvillimin e ekonomisë në tri komuna, ka nisur dialogun social për integrimin e pjesëtarëve të pakicës kombëtare shqiptare, vazhduar mbështetjen e fëmijëve dhe të rinjve në fushën e arsimit, ndihmuar shtëpitë e shëndetit dhe kopshtet e fëmijëve, ka ndarë mjete të pakthyeshme për kategoritë e cenueshme sociale të popullsisë dhe mbështetur aktivitetet e Këshillit Kombëtar të Pakicës Kombëtare Shqiptare.

Do t'ju informoj për disa nga aktivitetet më të rëndësishme:

Kemi vazhduar me investime në infrastrukturë dhe kemi ndarë më shumë se 248 milionë dinarë për rikonstruktuimin e rrugëve, rikonstruktuimin e rrjeteve të kanalizimit dhe ujësjellësit, saninin dhe rikonstruktuimin e shkollave dhe kopshteve të fëmijëve në këto komuna.

Si në të gjitha vitet e kaluara, për ndërmarrjet e vogla dhe të mesme dhe sipërmarrësit privatë janë dhënë 40 milionë dinarë subvencione, të cilat kanë mundësuar punësime të reja.

Shërbimi i Trupit Koordinues ka ndarë afër 26 milionë e 200 mijë dinarë për shpenzimet e udhëtimit të nxënësve të shkollave të mesme, blerjen e çantave dhe artikujve shkollorë për nxënësit e klasave të para, si dhe për programin e bursave të studentëve. Në kuadër të kësaj pike, ne siguruam grante individuale të njëhershme për kategoritë e rrezikuara sociale të shoqërisë që kishin nevojë për ndihmë, të varfërve, invalidëve dhe komunitetit rom. I kemi ndihmuar edhe shtëpive të shëndetit dhe kopshteve të fëmijëve në Preshevë, Bujanoc dhe Medvegjë.

Së fundi, bashkëpunimi ynë me Ministrinë e të Drejtave të Njeriut dhe Pakicave dhe Dialogut Social vazhdoi, me organizimin e një dialogu të ri social me temën e integrimit të pjesëtarëve të komunitetit shqiptar. Si rezultat i dialogut, në bashkëpunim me Këshillin Kombëtar të Pakicës Kombëtare Shqiptare dhe autoritetet shtetërore, u hartua një Plan për Integrimin e Anëtarëve të Pakicës Kombëtare Shqiptare në Institucionet Shtetërore për periudhën 2023-2026.

Këshilli Kombëtar u mbështet nga dy projekte me një vlerë totale prej një milion dinarë, për promovimin mediatik të Regjistrimit të Popullsisë 2022 dhe afirmimin e rëndësisë së zgjedhjeve për anëtarët e Këshillit Kombëtar të Pakicës Kombëtare Shqiptare.

Të dashur qytetarë të Preshevës, Bujanocit dhe Medvegjës, ju qoftë viti i ardhshëm i mbushur me shëndet, gëzime dhe suksese.

Përzemërsisht,
u.d e drejtoreshë e Shërbimit Trupit Koordinues
Danijela Nenadić