Danijela Nenadiq, drejtoresha e Trupit koordinues: Dijalogu ishte i suksesshëm, për kënaqësin e të gjithë pjesëmarrësve

17. nëntor 2021.

Bujanoc - Beograd - Trupi koordinues i Qeverisë së Republikës së Serbisë për komunat Preshevë, Bujanoc dhe Medvegjë, në bashkëpunim me Ministrinë për të drejtat e njeriut dhe të pakicave dhe dialog social, organizuan tubim në formë të dialogut social. Plani shtatëpikësh, tema- arsimi”. Dialogu u mbajt në hapësirat e fakultetit Ekonomik nga Subotica - Dega në Bujanoc.

Në takim morën pjesë dhe diskutuan ministrja e të drejtave të njeriut dhe të pakicave dhe dialogut social, Gordana Comiq, nënkryetari i parë dhe ministri e arsimit, shkencës dhe zhvillimit teknologjik, Branko Ruzhiq, shefi i misionit të OSBE-së në Serbi, Jan Bratu, drejtoresha e Trupit koordinues, Danijela Nenadiq dhe kryetari i këshillit nacional të shqiptarëve, Ragmi Mustafa.

Ministrja e të drejtave të njeriut dhe të pakicave dhe dialogut social, Gordana Comiq tha se njohja e diplomave, teksteve në gjuhën shqipe, licencave për mësuesit shqiptarë janë vetëm disa nga çështjet e diskutuara gjatë dialogut dhe të cilat u vlerësuan si më të rëndësishme

“Për një vit nga sot, shpresoj që të gjitha këto probleme të hiqen nga lista, do të kemi disa probleme të tjera, por do ta dimë se kemi fituar besimin elementar në dialog që do t'i zgjidhë të gjitha problemet për shkak të fëmijëve që vijnë. pas nesh, jo për shkak nesh”, tha Comiq.

Siç theksoi ajo, dialogu social është organizuar me iniciativën e Këshillit nacional të shqiptarëve, sepse ata kujdesen për bashkësinë e tyre kombëtare dhe ky është lajmi më i mirë për të.

“Atëherë ne jemi të gjithë këtu që duam t'i zgjidhim problemet që ata dëshirojnë më shpejt ti zgjidhin”, shtoi ministrja Comiq.

Nënkryetari i parë i Qeverisë së Serbisë dhe ministri i arsimit, shkencës dhe zhvillimit teknologjik, Branko Ruzhiq, ka deklaruar se çështja e teksteve në gjuhën shqipe është zgjidhur përmes bisedimeve me përfaqësuesit e Këshillit nacional të Shqiptarëve.

Ruzhiq ka vlerësuar se biseda jo vetëm ka qenë e suksesshme, por se për një muaj janë zgjidhur çështjet e teksteve shkollore në gjuhën shqipe me kryetarin e Këshillit nacional të pakicës shqiptare.

Ai theksoi se ministria e arsimit është gjithmonë e gatshme të kontribuojë në përmirësimin e kushteve për një jetë normale, për të investuar tek të rinjtë, për të ushqyer diversitetin si vlerat tona, për krijimin e një shoqërie edhe më tolerante dhe më të mirë.

Ruzhiq theksoi se Qeveria e Serbisë është e njohur për punën e vazhdueshme në përmirësimin e pozitës së pjesëtarëve të pakicave kombëtare në të gjitha sferat e jetës, përfshirë edhe arsimin.

“Janë rezultatet e Serbisë në këtë fushë në mbarë botën që vlerësohen dhe theksohen si të shkëlqyera. Për momentin, në sesionin e 41-të të UNESCO-s në Paris, Serbia përmendet në raport deri në 30 herë si shembull i praktikës së mirë kur bëhet fjalë për përfshirjen në arsim”, tha Ruzhiq.

Kryetari i këshillit nacional të Shqiptarëve, Ragmi Mustafa, tha se zbatimi i planit shtatëpikësh është një nevojë e domosdoshme për të siguruar më shumë drejtësi dhe barazi në shoqëri për shqiptarët.

Mustafa në takim me ministrin serb të arsimit Branko Ruzhic, ambasadorin e OSBE-së Jan Bratu, ministrën e të drejtave të njeriut Gordan Comiq dhe përfaqësuesit e Trupit koordinues për komunat e Bujanocit, Preshevës dhe Medvegjës, tha se Këshilli nacional i pakicës Shqiptare si nevojë e domosdoshme ka filluar bisedimet për realizimin në mënyrë që të trajtohet çështja në fushën e arsimit në gjuhën shqipe

Mustafa vuri në pah si probleme kryesore nostrifikimin dhe njohjen e diplomave, si dhe zgjidhjen e mungesës së teksteve shkollore për shkollat fillore dhe të mesme, si dhe të kurrikulave shkollore në gjuhën shqipe, dhe kërkoi që të zgjidhet çështja e dhënies së provimeve profesionale dhe të merret parasysh mundësia dhe nevoja për hapjen e institucioneve të reja të arsimit të lartë në gjuhën shqipe në Preshevë dhe Bujanoc.

Mustafa po ashtu ka kërkuar nga zyrtarët serbë bursa për studentët që studiojnë në Kosovë e Metohi dhe Shqipëri dhe ndër kërkesat është vazhdimi i studimeve pasuniversitare në universitetet serbe për studentët shqiptarë që kanë diplomuar në Kosovë e Metohi dhe Shqipëri.

Mustafa theksoi gjithashtu nevojën për përmirësimin e cilësisë së mësimit të gjuhës serbe në shkollat në gjuhën shqipe, si dhe ngritjen e një njësie speciale në kuadër të Drejtorisë së shkollës në Leskoc, e cila do të merrej vetëm me çështjet e arsimit në gjuhën shqipe.

Ai kërkoi gjithashtu pjesëmarrjen e përfaqësuesve të pakicës kombëtare shqiptare në punën e Këshillit nacional të arsimit dhe Institutit për avancimin e arsimit.

“Kemi marrë premtime nga ministria e arsimit dhe afate për zgjidhjen e një sërë çështjesh”, tha Mustafa.

Ministrja Gordana Comiq tha se ndihma e Këshillit nacional të Shqiptarëve është e nevojshme dhe e vlefshme kur bëhet fjalë për licencat për mësimdhënësit në gjuhën shqipe, të cilët nuk i kanë ato licenca për shkak të mungesës së dokumentacionit të tyre.

Duke folur për njohjen e diplomave shqiptare si një çështje me ton politik, ajo theksoi se duhet të ketë një mirëkuptim të përbashkët për arsyet pse procesi ka ngecur që nga viti 2018, por edhe për delikatesën e çështjes dhe se për këtë nuk ka mosmarveshje dhe se procesi duhet të përfundojë.

“E drejtë njerzore për akses në të ardhurat e bazuara në arsim është diçka që do ta kemi parasysh kur të argumentojmë pse procesi i njohjes së diplomave duhet të zhbllokohet dhe të përshpejtohet”, theksoi ministresha.

Ajo falënderoi Këshillin nacional të Shqiptare për iniciativën, ministrin e arsimit Branko Ruzhic dhe OSBE-në, të cilat, siç thotë ajo, mundësuan dialogun dhe vendosjen e afateve në të cilat do të zgjidhen problemet.

Ambasadori dhe shefi i Misionit të OSBE-së në Serbi, Jan Bratu, shprehën kënaqësinë për dialogun e suksesshëm dhe theksoi se misioni i OSBE-së është i përkushtuar për inkurajimin e marëdhënieve pozitive ndëretnike, ofrimin e mbështetjes dhe formave të ndryshme të ndihmës dhe se do të vazhdojë në këtë drejtim.

Danijela Nenadiq, drejtoreshë e shërbimit të Trupit koordinues, deklaroi se dialogu ishte i suksesshëm, për kënaqësinë e të gjithë pjesëmarrësve. Ajo falënderoi të gjithë pjesëmarrësit në dialogun social për gatishmërinë e tyre për të diskutuar për problemet prioritare në fushën e arsimit në Bujanoc, që të dëgjohen të gjitha palët dhe për të gjetur një mënyrë për t'i zgjidhur ato.

Në kuadër të vizitës dyditore të punës në Bujanoc, ministrja Gordana Çomiq më 15 nëntor mbajti ligjëratë për nxënësit e shkollave të mesme dhe studentëve të aakultetit Ekonomik, Dega në Bujanoc. Në ligjëratë ajo foli për mbrojtjen e të drejtave të njeriut dhe të pakicave në kompetencë të ministrisë së të drejtave të njeriut dhe të pakicave dhe dialogut social.

Burimi: Fonet, OSBE-ja, Bujanovacke dhe Trupi koordinues