VETËQEVERISJET LOKALE DUHET TË KONKUROJNË ME PROJEKTE

25. nëntor 2021.

Beograd - Disa ministra në Qeverinë e Serbisë, duke reaguar ndaj vërejtjeve dhe pyetjeve të deputetëve të Kuvendit të Serbisë lidhur me komunat dhe qytetet e pazhvilluara, deklaruan se pushteti lokal gjithmonë mund të aplikojë për projekte që janë të rëndësishme për ta dhe të marrin mjete nga buxheti i shtetit, për ato.

Kështu, ministri i financave Sinisha Mali, tha se komunat e Medvegjës, Bujanocit dhe Preshevës kanë marrë mjete të konsiderueshme përmes projekteve të nominuara, Bujanoci 26 milionë dinarë, Presheva 17.7 milionë dinarë dhe Medvegja 37 milionë.

Ai po ashtu tha se është planifikuar ndërtimi i rrjetit të kanalizimit në Tutin, Novi Pazar dhe Sjenicë.

“Ne kemi para, jemi të përkushtuar për këto komuna. Është në pushtetin vendor që të aplikojë me projekte dhe le të jemi më aktiv në këtë”, tha Mali.

Ministrja e Kulturës dhe Informimit, Maja Gojkoviq, deklaroi se ministria që ajo drejton ka ndarë para për projektet që janë nominuar në këto dhe disa qytete të tjera, si fonde për muzetë lokalë, ngjarje letrare, krijimi i pakicave kombëtare dhe rinovim të institucioneve kulturore.

Ministrja e mbrojtjes së mjedisit, Irena Vujoviq, theksoi se sa i përket departamentit të saj është bërë shumë në këto pjesë dhe mbetet ende për t'u bërë, andaj tha se është duke u bërë projektimi për mbylljen e deponisë në Sjenicë , në Bujanoc janë pastruar disa qindra tonë mbeturina.

Ajo shtoi se Bujanocit i janë dhënë 130 kova dhe 120 kontejnerë.

"Do të isha më e lumtur nëse komunat do të na drejtoheshin më shumë. Në fillim të vitit të ardhshëm do të shpallen konkurse të ndryshme, të cilat do të vazhdojnë aktivitetet nga ky vit", tha Vujoviq dhe ftoi komunat që të aplikojnë në konkurset për ndërrimin e kaldajave, pyllëzim dhe rehabilitim të deponive.

Burimi: Tanjug, Koordinaciono telo