TË RINJËT SHQIPTAR DHE SËRB: SË BASHKU MUNDË TË ZGJIDHIM PROBLEME

22. nëntor 2021.

Bujanoc - Beograd - Ekologjia, mungesa e ambienteve për piknik, terenet sportive dhe mosfunksionimi i zyrës për të rinjë, janë disa nga problemet që kanë theksuar të rinjtë nga Bujanoci. Nxënësit e shkollave të mesme nga komuniteti serb dhe shqiptar theksojnë se kanë kohë që bashkëpunojnë përmes parlamenteve studentore dhe se ky është një shembull që mund të ndjekin politikanët vendas.

“Jo të gjithë, por shumë prej nesh kishin paragjykime ndaj bashkësive tjera etnike në Bujanoc. Është diçka që merret nga shtëpia, megjithatë, me kalimin e kohës kuptuam se puna së bashku, bashkëpunimi, shoqërimi është shumë e mundur. “Së bashku mund të punojmë në zgjidhjen e çështjeve që na shqetësojnë të gjithëve”, thonë të rinjtë nga Bujanoci.

Në një bisedë në kuadër të projektit “Media për të gjithë” të cilin Bujanoci e realizon me mbështetjen e British Council, ata deklaruan se u mungon hapësira për argëtim dhe program cilësor dhe theksuan se Bujanoci ka resurse, por që ato nuk shfrytëzohen.

"Dalja është thjesht për të shkuar në një kafiteri dhe nëse do të kishte le të themi fusha sportive funksionale ose nëse do të kishte disa mbrëmje me tematikë në një hapësirë ku të gjithë mund të rrinim dhe të mësojmë, rrëfimi do të ishte krejtësisht ndryshe," tha njëra nga pjesëmarrësit në takim.

Në bisedë, të rinjtë nga Bujanoci folën edhe për mungesën e mbështetjes institucionale, por edhe për atë se u ofrohet shumë pak përmbajtje me karakter argëtues dhe kulturor.

Këta të rinj theksuan nevojën e përfshirjes së të rinjve në procesin e vendimmarrjes për çështjet që i shqetësojnë, të vetëdijshëm për rrethanat sociale në të cilat jetojnë.

Të rinjtë po kërkojnë gjithashtu angazhim dhe mbështetje më të madhe nga komuniteti lokal.

Nevoja për të ndryshuar gjërat për mirë në ekologji përmes, siç thonë ata, ndërgjegjësimit për rëndësinë e ruajtjes së mjedisit, rregullimit të fushave sportive ekzistuese apo të reja, për një program dhe angazhimit më të madh të zyrës për të rinjët është diçka që ata besojnë se do ta përmirësonte pozicionin e tyre dhe të forcojnë vullnetin për t'u kthyer në qytetin e tyre pas studimeve.

Këshilli Britanik është një organizatë ndërkombëtare e Mbretërisë së Bashkuar e përkushtuar ndaj marrëdhënieve kulturore dhe mundësive arsimore, dhe në mbi 100 vende të botës punon në fushën e artit dhe kulturës dhe zhvillimin e shoqërisë civile.

Burimi: Bujanovacke dhe Trupi koordinues