TASIQ: RIKONSTRUKTUIMI SHKON SIPAS PLANIT, Në SHKOLLëN TONë KTHEHEMI Në FILLIM Të VITIT Të ARDHSHëM

20. maj 2022.

Bujanoc - Beograd - Rikonstruksioni i plotë i objektit të shkollës fillore "Branko Radiçeviq" në Bujanoc, në vlerë mbi 200 milionë dinarë, po shkon sipas planit, thotë drejtori Nenad Tasiq dhe vlerëson se është reale të pritet që nxënësit të kthehen në shkollë në ndërtesën e rinovuar në janar të vitit të ardhshëm përkatësisht në fillim të semestrit të dytë.

Sipas Tasiq, që nga janari, kur kanë filluar punimet, kanë përfunduar ujësjellësi dhe kanalizimi, instalimet elektrike, ngrohja dhe termoizolimi në çati.

Në tabelën e informacioneve për projektin si datë për përfundimin e punimeve është caktuar 10 qershori i këtij viti, por Tasiq thotë se ky është një investim i madh dhe se është reale që punimet të zgjasin më shumë.

Ai ka theksuar se ka marrë garanci nga përfaqësuesit e kompanisë preshevare “Vijator”, e cila është kontraktor, se rikonstruksioni i plotë do të përfundojë në dhjetor të këtij viti.

Pas kësaj duhet të pritet për lejet e përdorimit.

Tasiq thotë se gjithçka është bërë në mënyrë strikte sipas projektit dhe se donatori dhe investitori gjerman insiston në standardet më të larta të efikasitetit të energjisë.

Dritaret e vjetra sigurisht që do të mbeten pronë e shkollës dhe ne do t'i disponojmë sipas nevojave. “Diçka do të vendoset në repartet rajonale, diçka do të shitet dhe paratë do të përdoren për të blerë inventarin e shkollave”, thekson drejtori.

Mjetet për rindërtimin e objektit të rrënuar “nga themeli në çati” në fakt janë donacion i Bashkimit Evropian, gjegjësisht i bankës gjermane KFNJ, dhe në Bujanoc kanë arritur përmes Zyrës Republikane për Menaxhimin e Investimeve Publike në bazë të projektit të Zyrës për Zhvillim Ekonomik Lokal.

Nxënësit dhe mësimdhënësit janë larguar përkohësisht nga shkolla dhe mësimi po zhvillohet në shkollat e mesme të Bujanocit "Sezai Suroi" dhe "Sveti Sava".

Burimi: Bujanovaçke dhe Trupi Koordinues