REGJISTRIMI I FATOSAVE NË SHKOLLË FILLON MË 2 PRILL

28. mars 2018.

Preshevë, Bujanoc, Medvegjë – Regjistrimi i fatosave në shkollë fillon më 2 prill dhe do të zgjasë deri në fund të majit, ndërsa vitin e ardhshëm shkollor në Serbi në klasë të parë do të duhej që të regjistrohen 65.510 fëmijë.

Ministria e Arsimit thotë se regjistrimi i fëmijëve në klasën e parë nuk është përcaktuar nga rregulloret, por se periudha e fillimit të prillit deri në fund të majit çdo vit në praktikën e shkollës është dedikuar për regjistrimin e fëmijëve dhe se nxënësit mund të regjistrohen në klasën e parë deri në fillim të vitit shkollor.

Sipas të dhënave të Entit Republikan për Statistika, 65.510 djemë dhe vajza do të regjistrohen në klasën e parë, ndërsa vitin e kaluar ky numër ka qenë 68.068 fëmijë.

Regjistrimi bëhet tek sekretari i shkollës çdo ditë pune, kur tek psikologu i shkollës është caktohet edhe testimi, ndërsa gjatë regjistrimit ju nevojitet çertifikata e lindjes (apo fotokopja, ndërsa merren parasysh edhe çertifikatat më të vjetra se gjashtë muaj), regjistrimi i vendbanimit, vërtetimin e mjekut se fëmija është në gjendje të regjistrohet në klasën e parë dhe vërtetimi i institucionit parashkollor.

Burimi: RTV Ritam dhe Trupi Koordinues