MASA TË REJA TË QEVERISË SË REPUBLIKËS SË SERBISË JANË VENDOSUR NË KUADËR TË GJENDJES SË JASHTËZAKONSHME

9. prill 2020.

Beograd - Qeveria e Republikës së Serbisë më 8 prill 2020, miratoi masat më të fundit në kuadër të gjendjes së jashtëzakonshme në lidhje me shtetin e ndalimit, përkatësisht ndalimin e lëvizjes në Republikën e Serbisë:

- Ndalimi i lëvizjes është shtrënguar. Do të zgjasë nga dita e premte e 10 prillit në ora 17, deri të ditën e henë të 13 prillit, në ora 5.

- Ndalimi nuk vlen për punonjësit e bankave, pasi bankat do të punojnë gjithashtu gjatë fundjavave, në mënyrë që të mos ketë vonesa në pagimin e pensioneve.

- Përjashtim bëjnë fermerët që do të jenë në gjendje të dalin dhe të punojnë tokën e tyre.

- Ndalimi i lëvizjes nuk do të vlejë për pensionistët të premten e 10 prillit nga ora 4 deri në ora 8, kur ata do të jenë në gjendje të dalin për blerje nëpër shitore.

- Më 10 prill fillon pagesa e të dy pjesëve të pensioneve, me një mbështetje financiare të njëhershme prej 4,000 dinarësh.

- Pronarët e kafshëve shtëpiake do të jenë në gjendje të ecin me kafshët shtëpiake mbrëmjet e së premtes, shtunës dhe dieles nga 23 deri në 01:00, por vetëm 20 minuta në 200 metra larg vendbanimit të tyre, duke iu nënshtruar masave të tjera të grumbullimit. Ecja është gjithashtu e mundur në mëngjeset e të shtunës dhe dieles nga 8 ora e mëngjesit deri në ora 10 të mëngjesit.

Kryeministrja e Republikës së Serbisë, Ana Brnabiq, tha se po shqyrtohet mbyllja e epiqendrave të infektimit gjegjësisht Beogradit, Nishit dhe Novi Pazarit, më pas mbylljen e kompanive të mëdha për shtatë ose 14 ditë, mirëpo “është e vështirë të përmbahemi dhe kjo është arsyeja pse ne nuk po marrim masa të tilla", tha ajo.

Burimi: danubeogradu.rs dhe Trupi Koordinues