MARËDHËNIA NDAJ PAKICËS SHQIPTARE DHE PAKICAVE TJERA NË PËRPUTHJE ME KRITERET EUROPIANE

17. korrik 2018.

Beograd - "Disa politikanë nga jugu i Serbisë po përpiqen të manipulojnë ndjenjat e pakicës shqiptare në mënyrë që të krijojnë një balancë artificiale me pozitën e vështirë të serbëve në Kosovë dhe Metohi," tha për "Vecernje Novosti" Brankica Jankoviq, Komisionerja për Mbrojtjen e Barazisë.

Siç tha Jankoviq, kjo i referohet momentit aktual politik në kërkimin e përshpejtuar për të ashtuquajturën zgjidhje Kosovës dhe Metohisë, por është e rrezikshme për shkak se këto deklarata synojnë të nxisin ndarjet dhe armiqësitë.

Jankoviq tha këtë duke komentuar kërkesat e liderëve të shqiptarëve nga Presheva, Bujanoci dhe Medvegja se pakica e tyre të ketë të drejta si të serbëve në veri të Kosovës dhe Metohisë, duke shtuar se "çështja e ndjeshme e barazisë duhet të ruhet nga ndikimi shkatërrues i manipulimeve politike".

Komisionerja theksoi se marrëdhëia ndaj shqiptarëve dhe pakicave të tjera është në përputhje me kriteret evropiane.

Упитана да ли сматра да је говор појединих политичара дискриминаторски, Јанковићева је одговорила потврдно.

"Marrëdhënia ndaj pakicave është një çështje shumë e ndjeshme. Neve në Ballkan shumë na ka kushtuar edhe në Serbi është një nga çështjet prioritare. Kushdo që na ka kontaktuar nuk ka mbetur pa mbrojtje adekuate, "tha ajo, duke shtuar se gjysma e ankesave kanë të bëjnë me romët.

E pyetur nëse ajo mendon se fjalimi i disa politikanëve është diskriminues, Jankoviq u përgjigj:

"Ka raste që nuk llogariten. Shpesh, sidomos gjatë fushatave zgjedhore, paralajmërova se pa marrë parasysh mosmarrëveshjet e ndërsjellta, ata mund të udhëheqin një dialog politik përmes rrespektit", tha ajo.

"Është e rëndësishme që njerëzit me ndikim më të lartë politik dhe social të dërgojnë mesazhe shumë të qarta për papranueshmërinë e një sjelljeje të tillë", tha Jankoviq.

Numri i ankesave të qytetarëve dërguar Komisionerit është rritur rreth 20 për qind kohët e fundit, tha ajo, duke argumentuar se kjo ishte mjaft e kuptueshme dhe e pritshme.

Jankoviq tha se është e rëndësishme për qytetarët që të raportojnë problemet dhe se nuk duhet të kenë frikë.

"Rastet e zgjidhura me sukses dërgojnë një mesazh rreth papranueshmërisë së një sjelljeje të tillë", përfundoi Jankoviq në një bisedë për "Novosti-n".

Burimi: Tanjug, Vecernje Novosti dhe Trupi Koordinues