LUFTA KUNDËR TRAFIKIMIT ME QENIE NJERËZORE NË BUJANOC ËSHTË NË PRITJE TË VENDIMIT NGA KOMUNA

19. tetor 2022.

Bujanoc – Beograd -Rrjeti lokal për luftën kundër trafikimit me qenie njerëzore në Bujanoc do të kompletohet deri në fund të vitit me bashkëpunim të shtuar të të gjitha institucioneve relevante, u konkludua në Bujanoc në takimin e mbajtur me rastin e Ditës Evropiane kundër trafikimit me njerëz.

Sipas Suzana Antiq Ristiq nga Komiteti për të Drejtat e Njeriut, bashkëpunimi institucional është i nevojshëm për shkak të njohjes më të mirë të problemit të trafikimit të qenieve njerëzore.

Iniciativa i është dorëzuar Këshillit komunal. Ne kemi mbështetjen e vetëqeverisjes lokale dhe presim që në seancat e ardhshme të miratohet vendimi i propozuar dhe Kuvendi zyrtarisht të marrë vendim për formimin e rrjetit”, tha Suzana Antiq Ristiq.

Nisma për të formuar një rrjet lokal për të luftuar trafikimin e qenieve njerëzore filloi një vit më parë.

Duke folur për rëndësinë dhe domosdoshmërinë e formimit të një rrjeti lokal për parandalimin dhe luftimin e trafikimit të qenieve njerëzore, shefi i kabinetit të kryetari të komunës, Sali Salihi, tha se vetëqeverisja lokale është e interesuar të ofrojë mbështetje dhe ndihmë në realizimin e të këtij programi.

“Ne si komunë jemi të interesuar që të ndërgjegjësojmë publikun për këtë problem social dhe të punojmë për parandalimin e tij. Nisma ekziston dhe besoj se do të shqyrtohet dhe miratohet në seancat e ardhshme të Këshillit Komunal”, tha Salihi.

Duke folur për konceptin e trafikimit të qenieve njerëzore, parandalimin dhe edukimin, pjesëmarrësit e takimit ranë dakord se për zgjidhjen e problemit dhe njohjen e tij është i nevojshëm bashkëpunimi ndërinstitucional i të gjithë aktorëve.

“Kemi bërë pjesën më të vështirë të punës. Iniciativa është aty, ne kemi mbështetjen dhe na mbetet vetëm ta fusim në kanalet ligjore”, ka përfunduar Vlastimir Stojkoviq, bashkëpunëtor për aktivitete programore të Kryqit të Kuq.

Takimi me rastin e vlerësimit të aktiviteteve të formimit të rrjetit kundër trafikimit në Bujanoc është mbajtur në sallën e vogël të Shtëpisë së Kulturës në organizim të Kryqit të Kuq të Bujanocit në bashkëpunim me Këshillin për të drejtat e njeriut nga Vranja.

Në takim morën pjesë edhe përfaqësues të institucioneve publike në Bujanoc.

Европска комисија је прогласила 18. октобар за Европски дан борбе против трговине лјудима.

Komisioni Evropian shpalli 18 tetorin si Ditën Evropiane kundër Trafikimit të Qenieve Njerëzore.

Që atëherë, në të gjithë Evropën janë organizuar aktivitete që synojnë ndërgjegjësimin e publikut për problemin dhe pasojat e trafikimit të qenieve njerëzore.

Burimi: Bujanovaçke dhe Trupi Koordinues