IMPLEMENTIMI I PROJEKTIT “SPORTI NË SHKOLLA”

26. shkurt 2013.

Delegacioni i ministrisë së rinisë dhe sportit në krye me sekretarin shtetëror për sport, Predrag Peruniçiq ka vizituar komunën e Preshevës dhe Bujanocit, të cilat do të jenë të përfshira në projektin “Sporti në shkolla”, qëllimi i të cilit është kthimi i nxënësve në sallat e shkollave.

“Sporti shkollor është shumë i rëndsishëm, dëshira jonë është që fëmijët të kthehen në sallat e shkollave dhe për këtë përfaqësuesit e ministrive po vizitojnë shkollat nëpër Sërbi, që të verifikojnë se çka është më e nevojshme. Ky është viti kur po bëhet strategjia e re për zhvillimin e sportit, kështu që ministria po përpiqet të shohë se çka shohin si problem kryesor bashkësitë lokale në atë mënyrë që sa më mirë të organizojnë aktivitetet sportive” i ka thënë Peruniçiq gazetarëve pas takimit me kryetarin e komunës së Preshevës, Ragmi Mustafën.

Mustafa theksoi se është i kënaqur që komuna e Preshevës, e cila për nga popullësia është komuna më e re është zgjedhur për këtë projekt.

“Do t’i implementojmë projektet të cilat janë në të mirën e fëmijëve dhe kuadrit të mësimdhënies dhe sportit në Preshevë” ka theksuar Mustafa.

Gjatë ditës, delegacioni i ministrisë ka vizituar edhe zyren e Shërbimit të Trupit Koordinues dhe ka vizituar tri shkolla në atë zonë. Pas kësaj vijoi vizita në Bujanoc, takimi me kryetarin e komunës së Bujanocit Nagip Arifin dhe vizita në tri shkolla atje dhe në Qendrën Sportive “Rinia” kurse për nesër është panifikuar shkuarja në Medvegjë, takimi me kryetarin e komunës Sllobodan Drashkoviqin dhe vizita e shkollave në atë vend.

Aksioni “Sporti në shkolla” përfshin nxënësit e shkollave fillore të klasave të ulëta, në kuadër të të cilit shkollat do të marrin paisje sportive dhe profesorë profesionalë nga mjediset e veta. Në fazën e parë të programit në aksion do të kyçen 25 vende në krejt Sërbinë.

Burimi: Таnjug