FILLIPI NGA LEVOSOJA NË RRETHIN E NDËR MATEMATIKANËVE MË TË MIRË

15. mars 2022.

Bujanoc - Breograd - Fillip Simonoviq, nxënës i klasës së pestë në shkollën fillore Vuk Karaxhiq në Levosojë, fitoi vendin e dytë në garën e matematikës së rrethit të mbajtur në Vranjë.

Njëmbëdhjetëvjeçari nga Levosoja fitoi vendin e dytë me 73 pikë në konkurrencën e 37 nxënësve të klasave të pesta nga të gjitha shkollat e territorit të rrethit të Pçinjës.

Mësuesi i matematikës i Fillipit, Novica Zllatanoviq, thotë se me kënaqësi merr pjesë në gara, jo vetëm në matematikë por edhe në lëndë të tjera dhe se arrin rezultate të dukshme.

“Si nxënëst është një super matematikan, ka fituar çmime në klasat e ulëta dhe tani vetëm ka vazhduar të punojë. Është nxënës i mirë edhe në lëndët e tjera, e e do sidomos matematikën. Në garën në Vranjë ishte konkurrencë e fortë dhe numri më i madh i nxënësve ishte nga klasa e pestë”, thotë Zllatanoviq.

Ai sqaron se konkursi i rrethit është gara më e lartë për nxënësit e klasës së pestë, ndaj Ivani arriti, siç thotë ai, një rezultat të mirë dhe sukses të madh.

“Ne jemi një shkollë e vogël dhe nxënësit tanë marrin pjesë edhe në konkurse në lëndë të tjera, por gjithmonë na gëzojnë me rezultatet e mira që arrijnë, ndaj jemi krenarë për të gjithë”, shton mësuesi.

Fillipi fitoi edhe vendin e dytë në konkursin komunal në teknikë dhe teknologji dhe ky matematikan i talentuar do të konkurrojë në histori dhe biologji.

Të shtunën në shkollën fillore të Vranjës “Jovan Jovanoviq Zmaj” është mbajtur gara e rrethit në lëndën e matematikës për nxënësit nga klasa e pestë deri në të tetën. Ai mbahet çdo vit si konkurs zyrtar i Ministrisë së Arsimit.

Burimi: Bujanovacke, Trupi Koordinues