Arkiva e lajmeve
                   

EKSPOZUESIT NGA JUGU I SERBISË NË PANAIRIN E PRISHTINËS

27. shtator 2016.

Bujanoc – Në Prishtinë, të mërkuren zyrtarisht do të hapet Panairi Tradicional i Bujqësisë dhe Industrisë Ushqimore, ndërsa në mesin e ekspozuesve nga Serbia, në panair prodhimet e veta do t`i eskpozojnë edhe dhjetra kompani nga Rrethi i Pçinjës dhe Jabllanicës, por më së shumti nga Bujanoci dhe Presheva.

Organizator i Panairit është Oda Ekonomike e Kosovës dhe Metohisë, ndërsa prodhimet e veta në rreth 6.000 metra katror do t`i ekspozojnë afër 400 ekspozues nga Kosova dhe Metohia dhe vendet e rajonit: Serbia, Maqedonia, Mali i Zi, Shqipëria, Bosna dhe Hercegovina, Kroacia, Sllovenia, Greqia dhe Turqia. 

Në Odën Ekonomike të Serbisë thonë se qëllimi i këtij manifestimit është “lehtësimi i shkëmbimeve tregtare të Serbisë dhe Kosovës dhe Metohisë, që të përkrahen investitorët e mëdhenj dhe që të krijohen hapat e parë në themelimin e kompanive të përbashkëta”.

Është kumtuar edhe që zinxhirët e mëdhenj tregëtar dhe distributorët e mëdhenj nga Serbia planifikojnë që të panair të krijojnë kontakte të reja të cilat do të shpejtojnë rrjedhën e mallrave dhe shërbimeve në tregjet e Kosovës e Metohisë dhe Shqipërisë.

Që të lehtësohet pjesëmarrja e kompanive serbe në këtë panair, Oda Ekonomike e Serbisë ka vendosur që këtë herë t`i bartë shpenzimet e organizimit, qirasë së hapësirës dhe pajisimin e shtandeve.

Hapja e panairit është të mërkurën, në ora 11.

Burimi: Bujanovaçke dhe Trupi Koordinues