BASHKËPUNIMI I PRESHEVËS DHE ZRENJANINIT

19. shkurt 2016.

Zrenjanin – Delegacioni i komunës së Preshevës ka qëndruar në Zrenjanin si mysafir i administratës së këtij qyteti. Qëllimi i kësaj vizite ka qenë që antarët e delegacionit të Preshevës të njoftohen me shembullin e praksës së mirë në fushën e sistemit gjeografiko-informativ GIS. Vizita është realizuar në kuadër të programit zhvillimor “Progresi Europian”, ndërsa përvojat e Zrenjaninit do të inkoporohen në punën e komunës së Preshevës.

Qyteti i Zrenjaninit ka vendosur GIS-in në praktikë para pesë viteve dhe prej atëherë sistemi është avansuar shumë herë, kështu që sot prezenton ndihmën e konsiderueshme në fushat e ndryshme të urbanizmit, planifikimit, matjes dhe vëzhgimit të terrenit, si dhe informimit të përditshëm.

„Prej fillimit të projektit i cili është implementuar jo vetëm në hapësirat e zonës industriale, GIS-i sot përfshin territorin e tërë qytetit dhe shumë hartave të ndryshme, të qasura edhe për publikun e gjërë në portalin GIS, i cili ndodhet në kuadër të ueb faqes së qytetit të Zrenjaninit. Kolegëve i kemi treguar si punojmë, ndërsa pas vizitës studimore, ata kanë treguar besimin që përvojat e qytetit tonë në zhvillimin e GIS-it në mënyrë të dobishme shërbejnë ashtu që ky projekt të jetësohet në komunën e tyre”, ka thënë koordinatori i qendrës së GIS-it në administratën e qytetit, Miodrag Bogunoviq.

Mjetet për realizimin e Programit sigurohen nga Unioni Europian dhe Qeveria e Zvicrrës, si dhe Qeveria e Republikës së Serbisë, ndërsa përdoruesve i ofrohet ndihma financiare, teknike dhe këshilldhënëse. Programin e realizon Zyra e Kombeve të Bashkura për Shërbime Projektuese (UNOPS) dhe Sektori për Kontraktim dhe Finansimin e Programeve nga mjetet e UE-së (CFCU) pranë Ministrisë së Financave të Republikës së Serbisë.

Burimi: Danas dhe Trupi Koordinues