Arkiva e lajmeve
                   

ALMIRI NGA BUJANOCI NË REPREZENTACIONIN E SERBISË

8. korrik 2021.

Bujanoc - Beograd - Një i ri nga Bujanoci, Almir Asani, është ftuar në ekipin kombëtar serb të basketbollit dhe që nga sot ai është në kampin stërvitor të përzgjedhjes së basketbollistëve më të mirë serbë nën 15 vjeç.

Siç thonë nga KB Play 017 nga Bujanoci, klubi nga i cili vjen, Almir është i vetmi nga klubi që arriti të luftojë për statusin e një anëtari të ekipit kombëtar serb.

Almir do të qëndrojë në kampin stërvitor të ekipit kombëtar serb në Kralevë deri më 17 korrik, së bashku me rreth njëzet lojtarë të tjerë, dhe në atë periudhë ai do të luajë disa ndeshje miqësore.

15-vjeçari i talentuar filloi me basketboll në KB Play 017, ku kaloi 4 vjet, pas së cilës, në moshën vetëm 12 vjeç, në vitin 2018 shkoi në Itali, në klubin “Orange 1 basket“ në qytetin e Basano Del Grappa.

"Almiri që nga fillimi ishte një nga lojtarët më të talentuar i moshës së tij,  gjë që rezultoi në atë që ai të shkonte në një nga klubet më të mira për zhvillimin e lojtarëve të rinj në Evropë. Ai vazhdoi të punojë shumë atje, duke lujtur  basketboll, por edhe duke ndjekur shkollën, ndërsa ishte i vetëm ", thotë Nenad Stajić, njeriu i parë i KB Play 017.

Almiri tani është i gjatë 199 cm, ai luan në pozicionet 2 dhe 3, dhe nëse është e nevojshme, ai është gjithashtu i suksesshëm në pozicionin 4.

Trajneri i tij i parë ishte Dragan Milić. Stajić shtoi se Bujanoci duhet të jetë krenar për suksesin e këtij djali, sepse këto janë sukseset e vetë qytetit.

"Ai është një tregues që klubi ynë KB Play 017, i cili ekziston për gati 10 vjet, është ambasadori më i madh i qytetit tonë ndonjëherë," shton Stajić.

Burimi: Bujanovaçke dhe Trupi Koordinues