28.04.2009

28. prill 2009.

Prej ditës së sëtme e deri të enjten, më 30 prill, në Qendrën Sportive në Bujanoc do të mbahet panairi i IV ndërkombëtarë i bujqësisë ku prodhimet e tyre do t’i prezentojnë mbi dhjetë sipërmarje bujqësore si dhe prodhues ushqimorë.

Përkrahës kryesorë i këtij panairi është komuna e Bujanocit kurse organizimin e ka ndihmuar Agjensioni për zhvillim për Nujanoc dhe Preshevë si dhe programi i USAID-it të sigurisë ekonomike e cila ka ndarë një ndihmë prej 18.500 dollarëve për organizimin e këtij panairi.

Qëllimi i këtij panairi është promovimi i potencialeve ekonomike nga sektori i këtij regjioni përmes vendosjes dhe zgjerimit të bashkëpunimit në mes prodhuesve lokal dhe regjional të prodhimeve ushqimore. Pasiqë regjioni është i orientuar në prodhimet bujqësore, organizimi i këtij panairi paraqet një rast që ekspozuesit të paraqesin prodhimet e tyre si dhe të vënë kontrata mbi plasimin e prodhimeve të tyre si në regjion, poashtu edhe në tregun ndërkombëtarë.

Gjatë këtij panairi, do të mbahen edhe ligjërata me tema të ndryshme si psh: përdorimi i sigurt i pesticideve, ushqimi dhe rritja e mëzetëve, pemëtaria dhe vreshtaria si dhe Rregullorja e Ministrisë së bujqësisë, pylltarisë dhe ministrisë së ujërave. Ditën e fundit të panairit do të dorëzohen tre shpërblime: për shtendin më të vizituarit, për shtendin më të rregulluarin dhe për shtendin më prezentativ. Në panair do të paraqiten edhe tri kompani të nxënësve nga shkollat e mesme të Bujanocit dhe Preshevës në me programin ,,Të arriturat e rinisë’’: ,,Sezai Surroi’’ dhe ,,Sveti Sava’’ nga Bujanoci dhe ,,Skëndërbeu’’ nga Presheva.